Baráttan gegn hærri fasteignasköttum skilar sér

Eitt helsta baráttumál FA á árinu var að hamla gegn stöðugum hækkunum fasteignaskatta á atvinnuhúsnæði. Sú barátta fór fram á ýmsum vígstöðvum. Eitt af aðildarfyrirtækjum FA höfðaði mál, sem ekki skilaði þeirri niðurstöðu sem vonast var eftir. FA sendi fjármálaráðherra erindi og hvatti hann til að taka upp viðræður við sveitarfélögin sem miðuðu að því að koma útreikningi og álagningu gjaldanna í „lögmætt, gegnsætt og skynsamlegt horf.“ Þá skoraði FA á sveitarfélög að lækka álagningarprósentu fasteignaskatts og efndi til fundar og sameiginlegra  yfirlýsinga og áskorana með Húseigendafélaginu og Landssambandi eldri borgara, en það samstarf vakti athygli.

Undir lok ársins mátti fagna þeim árangri að sex af tólf stærstu sveitarfélögum landsins höfðu ákveðið að lækka álagningarprósentu fasteignaskatts á atvinnuhúsnæði.

FA skrifar fjármálaráðherra: Beiti sér fyrir endurskoðun á fasteignagjöldum

Félag atvinnurekenda hefur skrifað Bjarna Benediktssyni fjármálaráðherra og hvatt hann til að taka upp viðræður við sveitarfélögin um hvernig koma megi útreikningi og álagningu fasteignagjalda á atvinnuhúsnæði í „lögmætt, gegnsætt og skynsamlegt horf.“

Yfir 70% skattahækkun á sjö árum – FA hvetur sveitarfélög til að lækka fasteignaskatt

Félag atvinnurekenda hvetur sveitarfélög á Íslandi til að lækka fasteignagjöld á atvinnuhúsnæði við gerð fjárhagsáætlana fyrir næsta ár. Nýtt fasteignamat Þjóðskrár fyrir árið 2020 var birt í dag og samkvæmt því hækkar fasteignamat atvinnuhúsnæðis á landinu um 6,9%. Hækk­un fast­eigna­mats at­vinnu­hús­næðis á höfuðborg­ar­svæðinu verður 5,9% en 9,3% á lands­byggðinni. Í ljósi þess að fasteignagjöld sveitarfélaga …

37% hækkun fasteignaskatta á íbúa í Reykjavík á fimm árum

Morgunblaðið birtir í dag samantekt Félags atvinnurekenda um hækkun fasteignaskatta á íbúa í tólf stærstu sveitarfélögum landsins. Athygli vekur að langhæstu skattekjurnar á íbúa eru í Reykjavík, eða um 146 þúsund krónur á árinu 2018. Á fimm árum, eða frá árinu 2014, hækkuðu þær um 37%.

Sveitarfélögin lækki álagningarprósentu fasteignagjalda

„Húseigendafélagið, Félag atvinnurekenda og Landssamband eldri borgara lýsa yfir megnri óánægju yfir miklum yfirvofandi og þegar orðnum álögum á fasteignir í formi fasteignaskatts, fasteignagjalda og annarra gjalda, sem lögð eru á fasteignaeigendur á grundvelli fasteignamats. Stjórnvöld þurfa að grípa til tafarlausra aðgerða til að stemma stigu við sjálfvirkum hækkunum á slíkum gjöldum og leita annarra, sanngjarnari og hóflegri leiða …

Hæstu fasteignaskattar á Norðurlöndum

Fasteignaskattar á Íslandi eru hæstir á Norðurlöndunum, reiknaðir sem hlutfall af landsframleiðslu, eru 2% í samanburði við t.d. 1% í Svíþjóð. Sveitarfélög verða að gæta hófs í skattlagningu á fyrirtæki, ætli þau ekki að blóðmjólka mjólkurkúna með ófyrirséðum afleiðingum fyrir hagkerfið. Þetta var á meðal þess sem fram kom í erindi Magnúsar Árna Skúlasonar, hagfræðings hjá Reykjavík Economics …

Skatturinn ógegnsæi og endalausi

Há fasteignagjöld á atvinnuhúsnæði skekkja samkeppnisstöðu íslenzks viðskiptalífs. Fasteignaskattar sem hlutfall af landsframleiðslu eru hæstir á Íslandi á öllum Norðurlöndum eða um 2%, tvöfalt hærri en í háskattalandinu Svíþjóð þar sem þeir eru um 1%. Þetta var á meðal þess sem fram kom á fundi Félags atvinnurekenda, Húseigendafélagsins og Landssambands eldri borgara um fasteignagjöld í síðustu viku.

Mest lækkun fasteignaskatta á Skaganum

Tíu af tólf stærstu sveitarfélögum landsins hafa nú birt frumvörp til fjárhagsáætlunar fyrir árið 2020. Nokkur sveitarfélög lækka álögur á atvinnuhúsnæði.

Mesta lækkunin er á Akranesi, en þar er fasteignaskattur á atvinnuhúsnæði lækkaður um 11,4%, úr 1,5804% í 1,4% af fasteignamati. Það felur í sér raunlækkun …

Sveitarfélögin haldi hækkun fasteignagjalda undir 2,5%

Félag atvinnurekenda, Húseigendafélagið og Landssamband eldri borgara hafa samþykkt eftirfarandi ályktun: 

„Félag atvinnurekenda, Húseigendafélagið og Landssamband …

Á harðahlaupum undan ábyrgð

Tólf stærstu sveitarfélögin hafa lagt fram frumvarp til fjárhagsáætlunar fyrir næsta ár. Félag atvinnurekenda hefur fylgzt sérstaklega vel með því hvaða tillögur eru gerðar um álagningu fasteignagjalda á næsta ári. Sex af þessum tólf sveitarfélögum, þar sem um 82% landsmanna búa, hyggjast lækka hlutfall fasteignaskatts á atvinnuhúsnæði, sum verulega. Þannig lækkar Akranesbær tekjur sínar af fasteignaskatti …

Baráttan gegn hækkun fasteignagjalda ber árangur – en betur má ef duga skal

Sex af tólf stærstu sveitarfélögum landsins hyggjast lækka álagningarhlutfall fasteignaskatts á atvinnuhúsnæði, samkvæmt framlögðum frumvörpum til fjárhagsáætlana eins og þau líta út eftir fyrri umræðu í sveitarstjórn. Sjö sveitarfélög hyggjast lækka …

Enn versnar samkeppnisstaða fyrirtækja í Reykjavík

Bæjarstjórn Garðabæjar samþykkti í gærkvöldi tillögu meirihlutans um lækkun fasteignaskatta fyrir árið 2020. Af átta stórum sveitarfélögum við Faxaflóa hafa þá fimm lækkað fasteignaskatta fyrir næsta ár. Af tólf stærstu sveitarfélögum landsins lækka átta fasteignaskatta á íbúðarhúsnæði en sjö lækka skattana á atvinnuhúsnæði. Enn eykst sérstaða Reykjavíkurborgar, sem er eina sveitarfélagið á höfuðborgarsvæðinu sem heldur fasteignaskatti á atvinnuhúsnæði í lögleyfðu hámarki. Að sama skapi …

Breytum innheimtu fasteignaskatta

Velflest stærstu sveitarfélögin hafa nú afgreitt fjárhagsáætlun fyrir árið 2020. Félag atvinnurekenda tók í haust höndum saman við Húseigendafélagið og Landssamband eldri borgara um að skora á sveitarfélögin að lækka álagningarprósentu fasteignaskatts, jafnt á íbúðar- og atvinnuhúsnæði. Alþýðusambandið hefur sömuleiðis verið drjúgt í að minna sveitarfélögin á yfirlýsingu Sambands íslenzkra sveitarfélaga, sem gefin var til að greiða …

Stefán S. Guðjónsson, forstjóri John Lindsay

Kristín H. Gísladóttir, framkvæmdastjóri Garðheima

Benedikt Eyjólfsson, forstjóri Bílabúðar Benna