Einföldun regluverks

FA beitti sér áfram fyrir einföldun á regluverki atvinnulífsins. Snemma á árinu ritaði framkvæmdastjóri félagsins Bjarna Benediktssyni forsætisráðherra bréf, þar sem lagðir voru til nokkrir þættir í nýja stefnu um einföldun regluverks.

Skömmu síðar var félaginu boðið að tilnefna fulltrúa í ráðgjafarnefnd um opinberar eftirlitsreglur, sem starfar á vegum forsætisráðuneytisins, og tók Inga Skarphéðinsdóttir lögfræðingur FA sæti áheyrnarfulltrúa með málfrelsi og tillögurétt.

Síðar á árinu hafði FA ástæðu til að fagna því að inn í skýrslu utanríkisráðuneytisins um breytta utanríkisþjónustu rataði tillaga félagsins um breytt verklag við innleiðingu EES-reglna, í þágu einföldunar regluverks.

FA skrifar forsætisráðherra: Vantar nýja stefnu um einföldun regluverks atvinnulífsins

Félag atvinnurekenda hefur skrifað Bjarna Benediktssyni forsætisráðherra bréf þar sem félagið gerir að tillögu sinni að mörkuð verði ný og skilvirkari stefna um einföldun regluverks atvinnulífsins.

Einföldun á regluverki fagnað

Félag atvinnurekenda fagnar nýju frumvarpi Þórdísar Kolbrúnar Reykfjörð Gylfadóttur, ferðamála-, nýsköpunar- og iðnaðarráðherra, um breytingu á lögum um hlutafélög og einkahlutafélög. Frumvarpinu er ætlað að einfalda gildandi reglur um stofnun félaga.

Kerfið talar við sjálft sig

Ragnheiður Elín Árnadóttir iðnaðar- og viðskiptaráðherra staðfestir í grein í Morgunblaðinu í dag þann skilning sem Félag atvinnurekenda og flestir aðrir hafa lagt í nýlegar breytingar á lögum um ársreikninga, að með þeim sé gerð ársreiknings fyrir minni fyrirtæki, svokölluð örfélög, einfölduð verulega með tilheyrandi sparnaði fyrir fyrirtækin.

FA fagnar tillögum um breytta utanríkisþjónustu

Félag atvinnurekenda fagnar nýútkominni skýrslu starfshóps utanríkisráðherra, Utanríkisþjónusta til framtíðar: Hagsmunagæsla í síbreytilegum heimi, sem kom út síðastliðinn föstudag. Þar er lögð áhersla á aukið samráð, samstarf og þjónustu við atvinnulífið og hafa skýrsluhöfundar gert nokkrar tillögur FA að sínum.

Andri Þór Guðmundsson, forstjóri Ölgerðarinnar

Elín Helga Sveinbjörnsdóttir, framkvæmdastjóri Hvíta hússins og formaður Sambands íslenskra auglýsingastofa (SÍA)

Reynir Árnason, framkvæmdastjóri Póstmarkaðarins