Íslensk-kínverska viðskiptaráðið

Kynning um ÍKV hér 

Íslensk-kínverska viðskiptaráðið (ÍKV) er félagsskapur um 70 fyrirtækja úr öllum greinum verslunar þ.e. innflutningi, útflutningi, umboðssölu, heildverslun og smásölu. Það var stofnað árið 1995 og hefur starfsemi viðskiptaráðsins dafnað vel síðan þá.

Meginmarkmið og hlutverk ráðsins er að stuðla að og efla viðskipti á milli Íslands og Kína. ÍKV hefur skipulagt ferðir á vörusýningar þar eystra, tekur á móti kínverskum viðskiptasendinefndum og veitir fyrirtækjum upplýsingar og ráðleggingar varðandi fyrstu skrefin í átt að viðskiptum við Kína. Einnig stendur það fyrir miðlun viðskiptasambanda og skoðanaskipta.

Helsti samstarfaðili Íslensk kínverska viðskiptaráðsins í Kína er Alþjóðaviðskiptaráð Kína (China Council for Promotion of International Trade, CCPIT). Félagsmenn í ÍKV eru um 50 fyrirtæki úr margvíslegum geirum viðskiptalífsins.

Starfsemi ÍKV er margþætt:

  • ÍKV hefur staðið fyrir Kínverskum dögum hérlendis og unnið að kínverskum vörusýningum.
  • ÍKV hefur skipulagt velheppnaðar hópferðir til Kína á Canton vörusýninguna sem er ein sú stærsta sinnar tegundar í heiminum.
  • Kínverskum áramótum er fagnað árlega.
  • Reglulega eru haldin málþing um viðskipti Íslands og Kína
  • ÍKV hefur staðið að fyrirtækjastefnumótum íslenskra og kínverskra fyrirtækja
  • Tekið er á móti mörgum kínverskum viðskiptasendinefndum árlega
ÍKV hefur skipulagt ráðstefnur fyrir félagsmenn til að kanna möguleika á :
  • Fjárfestingum í Kína
  • Samstarfi í áliðnaði í Kína
  • Ferðaþjónustu: Eru ný tækifæri fyrir íslenska ferðaþjónustu í Kína?

Heimasíða Íslensk-kínverska viðskiptaráðsins

Framkvæmdastjóri: Ólafur Stephensen

Stjórn:
Jónína Bjartmarz, framkvæmdastjóri OK; Okkar kvenna í Kína ehf., formaður
Ársæll Harðarson, forstöðumaður á sölu- og markaðssviði hjá Icelandair
Einar Rúnar Magnússon, forstöðumaður viðskiptaþróunar hjá Arctic Green Energy
Jóhann Y. Xiang, framkvæmdastjóri Asiais Ltd.
Stefán Sigurður Guðjónsson, forstjóri John Lindsay