Íslensk-evrópska viðskiptaráðið

Íslensk-evrópska viðskiptaráðið var stofnað 16. maí 2018, í tengslum við málþing um viðskipti Íslands og Evrópusambandsins, sem Félag atvinnurekenda og sendinefnd ESB á Íslandi stóðu að í sameiningu.

Tilgangur ÍEV er að efla verslunar– og viðskiptasambönd milli Íslands og Evrópusambandsins. Sérstakt viðfangsefni ráðsins er að beita sér fyrir því að rekstur samningsins um Evrópska efnahagssvæðið gangi sem best og að allir aðilar samningsins standi við skuldbindingar sínar samkvæmt honum. Jafnframt er það hlutverk ráðsins að stuðla að því að viðskipti samkvæmt tvíhliða samningum Íslands og ESB gangi sem greiðast fyrir sig.

Stofnfélagar í ráðinu eru rúmlega 20 fyrirtæki, í innflutningi, útflutningi, ferðaþjónustu, flutningum, ráðgjöf og fleiri greinum tengdum viðskiptum Íslands og ESB.

Lög ÍEV

Framkvæmdastjóri: Ólafur Stephensen

Stjórn:
Páll Rúnar M. Kristjánsson hæstaréttarlögmaður, formaður
Arnar Atlason, framkvæmdastjóri Tor ehf.
Damien Degeorges, framkvæmdastjóri Degeorges Consulting ehf.
Margrét Guðmundsdóttir, einn af eigendum Icepharma
Ólafur Ó. Johnson, framkvæmdastjóri Ó. Johnson og Kaaber