Kynferðislegt ofbeldi og áreitni ekki í boði

Stjórn FA ályktaði vegna #metoo-byltingarinnar, þar sem konur sögðu frá kynferðislegri og kynbundinni áreitni, ofbeldi og mismunun á vinnustöðum. Stjórnin hvatti félagsmenn til að líða ekki slíkt í fyrirtækjum sínum og bauð fram aðstoð skrifstofu FA við að gera starfsmannastefnu, áhættumat og viðbragðsáætlanir þannig úr garði að skýrt væri að þvílíkt athæfi væri ekki í boði og að tekið yrði fast á því ef það kæmi upp.

Kynferðisleg áreitni og ofbeldi verði ekki liðin

Stjórn Félags atvinnurekenda fagnar þeirri umræðu sem farið hefur fram um kynferðislega og kynbundna áreitni, ofbeldi og mismunun í atvinnulífinu undir merkjum #metoo. Stjórnin hvetur félagsmenn FA eindregið til að tryggja að slíkt framferði líðist ekki í fyrirtækjum þeirra. Til þess þarf meðal annars skýra og aðgengilega starfsmannastefnu. Miðla þarf upplýsingum um hvert starfsmenn geti snúið sér verði þeir fyrir ofbeldi, áreitni eða einelti …“

Ekki í boði

Frásagnir kvenna af kynferðislegu og kynbundnu ofbeldi, áreitni og mismunun í fyrirtækjum og stofnunum undir merkjum #metoo verða vonandi til þess að eigendur og stjórnendur fyrirtækja á Íslandi geri átak í að útrýma slíku úr vinnustaðamenningunni.

Andri Þór Guðmundsson, forstjóri Ölgerðarinnar

Elín Helga Sveinbjörnsdóttir, framkvæmdastjóri Hvíta hússins og formaður Sambands íslenskra auglýsingastofa (SÍA)

Reynir Árnason, framkvæmdastjóri Póstmarkaðarins