Úr starfsemi ársins 2015

headermynd-920x425

Fréttir og fjölmiðlar

Námskeið í boði á vegum Félags atvinnurekenda árið 2015

Verkefnastjórnun – fyrstu skrefin
Leiðbeinandi: Sveinbjörn Jónsson

Nýjar víddir í stjórnun
Leiðbeinandi: Guðný Reimarsdóttir

Opinber innkaup
Leiðbeinandi: Daníel Isebarn Ágústsson

Samningatækni
Leiðbeinandi: Thomas Möller

Kvartanir og óánægðir viðskiptavinir
Leiðbeinandi: Eyþór Eðvarðsson

Almannatengsl og markaðsmál
Leiðbeinandi: Ólafur Stephensen

Útstillingar og framsetning vöru
Leiðbeinandi: Margrét Ingólfsdóttir

Stjórnsýsluréttur – samskipti stjórnvalda og fyrirtækja
Leiðbeinandi: Páll Rúnar M. Kristjánsson

Markmiðasetning
Leiðbeinandi: Sigríður Hulda Jónsdóttir

Viðskiptafundir: Hjartað í fyrirtækinu
Leiðbeinandi: Sigríður Snævarr

Umsagnir um þingmál

Félag atvinnurekenda gaf umsagnir og gerði athugasemdir við fjölmörg þingmál árið 2015

– kynntu þér umsagnir FA

Ársskýrsla FA 2015

Félag atvinnurekenda lét fjölda málefna til sín taka í þágu félagsmanna sinna og stóð fyrir ýmsum viðburðum á árinu. Smelltu á fyrirsagnirnar hér á síðunni til að kynna þér málin betur.

Árangur í baráttu fyrir lækkun matartolla

tollvernd neytendurBarátta fyrir lækkun tolla á matvörur var eitt af helstu málum Félags atvinnurekenda á árinu 2015. Félagið fagnaði áformum stjórnvalda um að fella niður tolla af öllum öðrum vörum en matvöru, en færði fyrir því rök að matartollarnir ættu að vera með í þessum áformum, enda giltu engin önnur viðskiptalögmál um viðskipti með mat en aðrar vörur.  Lestu meira

Tryggingagjaldið lækki

ÓlafurFA hefur lengi barist fyrir lækkun tryggingagjaldsins. Framkvæmdastjóri félagsins skrifaði í upphafi árs grein í Fréttablaðið þar sem bent var á að tryggingagjaldið væri skattur sem hefði verið lagður á til að fjármagna kostnað ríkisins vegna atvinnulausra, en væri í raun skattur sem yki atvinnuleysi því að hann hindraði að fyrirtæki bættu við sig fólki.
Lestu meira

Útboð á farmiðakaupum ríkisins

Barátta FA fyrir því að ríkið bjóði út flugfarmiðakaup sín fékk mikla athygli á árinu. Fjallað var um málið í þremur þáttum Kastljóss RÚV, en þar benti FA meðal annars á að það væri skýrt brot á lögum um opinber útboð að bjóða ekki út þessi viðskipti. Þá gagnrýndi félagið að ríkisstarfsmenn fengju vildarpunkta til persónulegra nota í krafti flugferða sem farnar eru á kostnað skattgreiðenda. Lestu meira

Innlegg FA í Evrópuumræðuna

FA hefur látið til sín taka í umræðum um kosti Íslands í Evrópumálum. Kannanir meðal félagsmanna undanfarin ár hafa sýnt að um 60% þeirra væru hlynntir því að ljúka aðildarviðræðum við Evrópusambandið.  Lestu meira

Aðhald með Íslandspósti

Posturinn logoFA gagnrýndi ítrekað rekstur Íslandspósts, stórs ríkisfyrirtækis sem hefur markvisst fært út kvíarnar og keppir við einkaaðila á æ fleiri sviðum, allt frá sælgætis- og minjagripasölu til prentsmiðjurekstrar.

Lestu meira

Athygli vakin á stöðu gengislána

Útlendir seðlarFA beitti sér fyrir því á árinu að vekja athygli á stöðu gengislána fyrirtækja og reyna að ýta við umræðum um hvernig mætti vinda ofan af þeim vanda. Í mars var haldinn opinn félagsfundur um gengislánin.

Lestu meira

Breytingar á skattlagningu áfengis

ÁfengiFjármálaráðherra lagði til við Alþingi breytingar á skattlagningu áfengis á þann veg að lækka virðisaukaskatt í neðra þrep en hækka áfengisgjaldið um fimmtung á móti. FA lýsti skilningi á markmiði breytinganna, að vinna gegn skattaundanskotum í veitingageiranum, en varaði við afleiðingunum fyrir neytendur og fyrirtæki.

Lestu meira

Erfiðir kjarasamningar

VöfflurÁrið 2015 var ár vinnudeilna og erfiðra kjarasamninga. Kjaradeilu FA annars vegar og VR og Landssambands íslenzkra verzlunarmanna hins vegar var vísað til sáttasemjara í lok apríl. Í framhaldinu boðaði VR verkfall og hélt FA félagsfund til að svara spurningum aðildarfyrirtækja um boðað verkfall og fara yfir réttarstöðu vinnuveitenda og launþega.

Lestu meira

Regluverk lyfjageirans verði lagfært

LyfFA hélt áfram að beita sér fyrir bættu regluverki lyfjageirans. Í framhaldi af fundi félagsins í byrjun árs um regluverk atvinnulífsins var heilbrigðisráðherra sent erindi með tillögum um ýmsar lagfæringar á lagaumhverfi lyfjageirans.

Lestu meira

Öflugt starf ÍKV á 20 ára afmælinu

Kína-1Íslensk-kínverska viðskiptaráðið, sem FA hýsir, átti 20 ára afmæli á árinu. Starf ráðsins var öflugt á afmælisárinu. Í maí var haldin fjölsótt ráðstefna um kínverska ferðamenn á Íslandi. Tekið var á móti viðskiptasendinefndum, meðal annars frá Dalian-héraði í Kína.

Lestu meira

Falda aflið á fleygiferð

Falda-aflið-sýnir-sigTalsverður árangur náðist við að fylgja eftir Falda aflinu, tólf tillögum sem FA hefur lagt fram til eflingar litlum og meðalstórum fyrirtækjum. Á aðalfundi félagsins í febrúar fór Ólafur Stephensen framkvæmdastjóri yfir árangurinn á árinu 2014, en einhver hreyfing var á öllum málunum það ár.

Lestu meira

Ábendingar og gagnrýni vegna afnáms vörugjalda

FA fagnaði því eindregið að vörugjöld voru afnumin í upphafi árs, eins og félagið hefur barist fyrir árum saman. FA varaði hins vegar við óraunhæfum væntingum um verðlagsáhrif breytingarinnar og benti í upphafi árs á að annars vegar hefðu margir innflytjendur og seljendur heimilis- og raftækja þegar lækkað verð þegar breytingin var boðuð og hins vegar ættu margir birgðir af vörum sem greitt hefði verið vörugjald af og áhrifa þess gæti því gætt einhverjar vikur fram á árið. Lesa meira

Könnun FA: Ánægðir félagsmenn

Glaða FA logoiðSamkvæmt reglulegri könnun meðal félagsmanna, sem gerð var í janúar 2016, eru aðildarfyrirtæki FA upp til hópa ánægð með starf félagsins, telja ímynd þess fara batnandi og félagið sýnilegra út á við en áður. Eins og fyrr er minnst ánægja með starf fag- og atvinnugreinahópa félagsins og eru þar augljóslega sóknarfæri. Samkvæmt reglulegri könnun meðal félagsmanna, sem gerð var í janúar 2016, eru aðildarfyrirtæki FA upp til hópa ánægð með starf félagsins. Lesa meira

Aðalfundur FA

Ný stjórn FA. Fremri röð: Anna Svava, Birgir og Guðný Rósa. Aftari röð: Bjarni, Magnús Óli og Hannes Jón.

Ný stjórn FA. Fremri röð: Anna Svava, Birgir og Guðný Rósa. Aftari röð: Bjarni, Magnús Óli og Hannes Jón.

Aðalfundur FA var haldinn 11. febrúar. Á undan fundinum var að venju haldinn opinn fundur, að þessu sinni undir yfirskriftinni „leiðtoginn í atvinnulífinu“. Frummælendur voru Bjarni Benediktsson fjármálaráðherra, Lars Lagerbäck landsliðsþjálfari karla í knattspyrnu og Helga Valfells, framkvæmdastjóri Nýsköpunarsjóðs. Þá fór Ólafur Stephensen framkvæmdastjóri félagsins yfir stöðuna á tillögum FA undir merkjum Falda aflsins. Lesa meira

Verkföll opinberra starfsmanna

Viðskiptavinir athugiðFA beitti sér með ýmsum hætti til að leitast við að tryggja hag félagsmanna sinna og draga úr áhrifum verkfallanna, þó með misjöfnum árangri.

Verkfall dýralækna hjá Matvælastofnun (MAST) hafði mikil áhrif á neytendur, enda stöðvaðist slátrun innanlands, svo og innflutningur á ýmissi matvöru. Áður en verkfallið hófst skoraði FA á stjórnvöld að opna fyrir tollfrjálsan innflutning á kjöti til að hindra skort. Ekki var orðið við þeirri áskorun. Lesa meira

Ráðuneyti krafið svara um pöntunarþjónustu Fríhafnarinnar

FríhöfninFA gagnrýndi svokallaða Express-þjónustu Fríhafnarinnar í Leifsstöð og benti á að í henni fælist ósanngjörn samkeppni ríkisins við innlenda verslun. Fjármálaráðherra var í tvígang skrifað bréf vegna málsins og spurt hvort afstaða ráðuneytisins hefði breyst, en forveri hans stöðvaði á sínum tíma sambærilega þjónustu Fríhafnarinnar. FA fékk ekki efnisleg svör við bréfinu. Þau voru boðuð fyrir árslok, en höfðu ekki borist þegar nýtt ár rann upp. Lesa meira

Ríkið taki til í eftirlitsgjöldum

Bananar

FA hvatti ríkið til að taka til í eftirlitsgjöldum sínum eftir að dómur féll í héraði í máli Banana. Þar var ríkið dæmt til að endurgreiða háar fjárhæðir í oftekin opinber gjöld vegna eftirlits með innfluttum plöntum.   Lesa meira

 

Fjölgar í hópi félagsmanna FA

Logo-nýir-félagsmenn-nóv-2015-300x235Aðildarfélögum FA fjölgaði um vel á annan tug á árinu. Fyrirtæki sem bættust í hópinn voru af öllum stærðum og úr ýmsum atvinnugreinum.

Þeirra á meðal má nefna Nova, Wow Air, Atlantsolíu, Heimilistæki, Raritet, Mamma veit best, Stoðtæki, sem rekur Fjallakofann og ferðaskrifstofuna Íslandsvini, Miðlun, Azazo, Póstmarkaðinn, Þekkingarmiðlun, Gengur vel, Mjólkurbúið Kú, Hótel Laxnes og Balto heildverslun.  Lesa meira

Samkeppni á mjólkurmarkaði

MjólkursamkeppniEftir að verðlagsnefnd búvara ákvað að hækka verð á hrámjólk til úrvinnslu sendi FA Samkeppniseftirlitinu áskorun um að hraða rannsókn sinni á meintum samkeppnisbrotum Mjólkursamsölunnar gagnvart Mjólkurbúinu Kú, en þau sneru einmitt að viðskiptum með hrámjólk.

Síðar á árinu lækkaði MS verð á hrámjólk til keppinauta sinna og fagnaði FA því sem jákvæðu skrefi. Lesa meira

Tækifæri í Indlandsviðskiptum

Fundur IndlandsÍslensk-indverska viðskiptaráðið, sem rekið er undir hatti FA, hélt í júlí vel sóttan morgunverðarfund um tækifæri í viðskiptum á Indlandi.  Lesa meira

Margrét Guðmundsdóttir forstjóri Icepharma

Einar Hallsson forstjóri Faircar bílaleigu og Bjarki Hallsson framkvæmdastjóri Faircar

Liv Bergþórsdóttir forstjóri Nova

Skúli Mogenson forstjóri WOW Air

FA mun meira áberandi í fjölmiðlum

Eitt af þeim markmiðum sem stjórn og framkvæmdastjóri FA settu sér haustið 2014 var að félagið yrði meira sýnilegt og áberandi í fjölmiðlum og að frétt af því birtist að meðaltali einu sinni á dag. Lesa meira

Fundur um reglubyrði atvinnulífsins

FA efndi til félagsfundar um reglubyrði atvinnulífsins og viðleitni stjórnvalda til að létta hana. Lesa meira

Undið ofan af öfugum samruna

FFA og Málflutningsstofa Reykjavíkur (MSR) hafa undanfarin misseri leitað leiða til að rétta hlut fyrirtækja … Lesa meira

Eru vetrarfríin sniðin að þörfum atvinnulífsins?

FA gagnrýndi skort á samráði við atvinnulífið vegna vetrarfría og starfsdaga í grunn- og leikskólum. Félagið benti á að í stað þess að verða samverustund fjölskyldunnar yrðu vetrarfríin fyrir vikið oft streituvaldur. Lesa meira.

Njarðarskjöldurinn og Freyjusómi afhentir

FA stendur ásamt fleirum að hvatningarverðlaunum til ferðamannaverslana í Reykjavík, Njarðarskildinum og Freyjusóma. Árið 2015 hlaut 66°Norður í Bankastræti Njarðarskjöldinn og verslunin Upplifun, bækur og blóm í Hörpu fékk Freyjusóma.  Lesa meira

FA bregst við skýrslu um dagvörumarkaðinn

Stjórn FA brást við skýrslu Samkeppniseftirlitsins um samkeppni á dagvörumarkaði með ályktun, þar sem skýrslunni og ábendingum í henni var fagnað.  Lesa meira

FA á sjávarútvegssýningunni í Brussel

Félag atvinnurekenda og nokkrir félagsmenn þess tóku þátt í sjávarútvegssýningunni í Brussel. Lesa meira

Seinagangur tollstjóra kostar fyrirtækin milljónir

FA benti á að áfengisinnflytjendur yrðu fyrir milljónatjóni vegna þess að tollstjóraembættið finnur ekki mannskap til að hafa eftirlit með förgun áfengis sem er gallað, útrunnið eða af öðrum ástæðum ekki söluhæft. Dæmi eru um að fyrirtæki hafi þurft að bíða í fjögur ár eftir að geta fargað áfengi. Lesa meira

Meingölluð innleiðing rafrænna skilríkja

Gagnrýni FA á innleiðingu rafrænna skilríkja vakti mikla athygli. Félagið benti á að ríkisvaldinu hefði verið beitt til að koma tugum þúsunda einstaklinga í viðskipti við fyrirtækið Auðkenni.  Lesa meira

Einföldun leyfisveitinga góð, afnám þeirra betra

FA skilaði atvinnuveganefnd Alþingis umsögn um frumvarp um einföldun leyfisveitinga vegna innflutnings á ferskum kjötvörum.  Lesa meira

FA styður breytingar í landbúnaðinum

FA veitti jákvæða umsögn um þrjú frumvörp, sem miða að breytingum í landbúnaðinum. Þar á meðal var frumvarp um aðskilnað ríkisins og Bændasamtaka Íslands og annað um innflutning á erfðaefni til holdanautaræktunar. Félagið studdi líka frumvarp um að undanþága mjólkuriðnaðarins frá samkeppnisreglum yrði afnumin. Það frumvarp náði ekki fram að ganga.  Lesa meira

Siðareglur í stað banns við áfengisauglýsingum

FA hefur lagt til að bann við áfengisauglýsingum verði afnumið og þær þess í stað leyfðar með skýrum takmörkunum. FA kynnti fyrir þingmönnum drög að siðareglum um áfengisauglýsingar, sem framleiðendur og innflytjendur áfengis eru reiðubúnir að undirgangast, verði bannið afnumið. Lesa meira

Klúður við lagasetningu um Úrvinnslusjóð leiðrétt

FA og fleiri samtök í atvinnulífinu beittu sér fyrir því að Alþingi breytti á ný samsetningu stjórnar Úrvinnslusjóðs, en fyrir fljótfærni umhverfis- og samgöngunefndar þingsins voru fulltrúar atvinnulífsins sviptir meirihluta sínum í stjórninni. Það gekk gegn skýrum tilgangi laganna um sjóðinn og er ekki í samræmi við evrópskt regluverk um framleiðendaábyrgð sem Ísland er bundið af. Lesa meira

Róttækra breytinga þörf á vinnumarkaðsmódelinu

Þórarinn G. Pétursson aðalhagfræðingur Seðlabankans var fyrirlesari á félagsfundi FA um efnahagshorfur. Hann sagði brýna þörf á róttækum breytingum á íslenska vinnumarkaðsmódelinu. Lesa meira

Samsiglingar gætu lækkað vöruverð

FA hvatti til þess að það yrði skoðað að veita skipafélögum undanþágu til samstarfs um siglingar, sem gæti stuðlað að lækkun flutningskostnaðar og þar með vöruverðs. Félagið fær fjölda ábendinga frá félagsmönnum um háan flutningskostnað og er stöðugt að leita leiða til að þrýsta á lækkun hans. Lesa meira

Réttur stjórnenda til að ganga í störf undirmanna í verkfall

FA minnti á rétt stjórnenda til að ganga í störf undirmanna sinna í verkfalli þegar rektor Háskóla Íslands lýsti yfir að hann myndi ekki opna hús skólans fyrir stúdentum kæmi til verkfalls umsjónarmanna húseigna. Lesa meira

Truflanir á innflutningi vegna verkfalls SFR

Verkfall SFR olli truflunum á innflutningi til landsins. Eins og í fyrri verkföllum opinberra starfsmanna hvatti FA stjórnendur ríkisstofnana til að ganga í störf undirmanna sinna eins og þeir eiga rétt á til að bjarga verðmætum. Lesa meira

Samkeppnishömlur í Leifsstöð

FA tók undir tilmæli Samkeppniseftirlitsins til stjórnvalda um að þau gripu tafarlaust til aðgerða til að draga úr samkeppnishindrunum sem felast í fyrirkomulagi á úthlutun brottfarartíma fyrir flugfélög í Leifsstöð. Lítið gerðist í málinu af hálfu Samgöngustofu og innanríkisráðuneytisins.Lesa meira

Ráðherra fari að tilmælum Samkeppniseftirlitsins

Félag atvinnurekenda og samstarfsfélag þess, Samtök fiskframleiðenda og útflytjenda (SFÚ) skrifuðu sjávarútvegsráðherra bréf og fóru fram á afstöðu ráðherrans til tillagna sem Samkeppniseftirlitið setti fram fyrir rúmum þremur árum, um það hvernig draga mætti úr samkeppnishindrunum í sjávarútvegi. Lesa meira

FA styður tillögur um samkeppnismat

FA studdi tillögur sem fram hafa komið um að gert verði samkeppnismat á allri löggjöf sem varðar rekstrarskilyrði atvinnulífsins. Félagið rekur sig hvað eftir annað á það að áhugi stjórnvalda á virkri og heilbrigðri samkeppni er afar lítill. Lesa meira

Mannabreytingar hjá FA

Inga Skarphéðinsdóttir kom til starfa hjá FA í byrjun mars. Hún kom í stað Bjargar Ástu Þórðardóttur, sem fór til starfa hjá Samtökum iðnaðarins. Lesa meira